• +86 13187572699, +86 18488920556, +86 18488007795, +86 17584120959
  • samhrs1992@gmail.com
  • Mon - Fri: 7:00 - 13:00

LABAU KADUN

Sama Ginwang Sasana Lahta Tsang Jawng (SAMS) gaw Sara Kaba Nhkum Doi La hte ap nawng ai sara/num ni marai (6) gaw 1992 ning May 24 ya shani Lawu Tsang Jawng hku nna mying hkap la nna 1st June hta jawng laika sharin hpang wa sai. 2011 ning hta lawu tsang jawng kaw nna English madung da jawng hku nna lahta tsang madang de sr maji naw hkawng hpe Sama Ginwang kaw nna shatsam ai hte madang sharawt nna 2020 ning hta tsang 12 jawng madang de hpaw sharin nga lu saga ai.

NGA SHARA

Laiza hka hte munglai hka zup, laiza muklum mare dingdung maga deng 1, lawk (1), laiza hka kau, Miwa Gumsan Mungdan jarik htep, Nawng E Hku Buga kaw de da ai jawng rai nga ai.

Pandung

  1. Ma langai a kunghpan ang ai hkum hkrang, myit masin, wenyi machye machyang yawng rawt jat wa hkra
  2. Manu dan ai sak hkrung lam byin tai wa lu na matu aten galu sharin achyin lam, akyang lailen kaja ai hte kasi tai ai dawjau ai sak hkrung lam hpe gawgap chye wa lu hkra
  3. Ma shagu gaw sharin hkam la chye chyang kunghpan wa lu hkra

Manu Shadan ai lam

Shada hkungga la ra na, tengman rap ra lam hpe sharawng awng na, makam kri dung na, tsawra chye na, gyin shalat chye na, shingra hpe makawp maga manu shadan chye na, dawjau chye ai ni tai na, tinang a htunghking labau lara hpe manu shadan kyen mazing chye na hte hkum dingnum rawt jat galu kaba lam hpe sharawng ai lam.

Yaw Shada Lam

  1. Hpyen masa a majaw hpaji kaja nlu sharin hkam la ai ma ni mungkan madang dep ai hpaji chye chyang wa lu na matu
  2. Tinang a labau htunghking hpe shagrau shatsaw wa lu na matu
  3. Mungkan hte zinghkri hkri sa wa lu na matu
  4. Prat madang dep ai lai ladat ni hpe sharin hkam la nna kan bau wa lu na matu

Shingran

Lahta tsang hpaji kaw nna tinang amyu htunghking labau laili laika hte makam masham hpe ntat ai sha lani hte lani mungkan madang dep ai hpaji law law hpe ginlen ya lu ai Dakkasu Madang byin tai wa lu na.

Jawng Yu Reng Ai Lam (School Administration)

Sama Ginwang Hkalup Hpung Ginjaw kaw nna jawng hpe madu up hkang yu reng ai lam rai nga ai. Jawng Up gaw Ginwang a Staff hku nna hpung shawa zuphpawng kaw ra lata galaw nna, jawng a sumtang ni hpe Giwang EC, Kasa de direct tang madun matut mahkai ai lam rai nga ai. Ya du wa na term kaw nna gaw Ginwang Hpaji hte Ningbaw Ningla magam dap hku na Ginwang EC, Kasa de matut mahkai yu gawn ai lam galaw wa na masing nga ga ai.

Jawng Mying Bang Ai Lam (School Admission)

Jawng mying bang ai hta ra kadawn ai lam ni (Admission Requirements)
  1. KG lung na jawngma ni gaw ma shapan jawng yu lekmat lawm sa wa ra ai
  2. Asak 6 ning hpring sai ni hpe sha SKG kaw hkap la ai
  3. Ma shapan jawng yu sai raitim asak 6 ning nhpring shi ai ni hpe KG class hta hkap la sharin ya mai ai
  4. Kaga jawng kaw na htawt wa ai jawngma kadai hpe tim hkap la ga ai
  5. Jawngma nnan yawng tinang lung kau da ai jawng kaw na jawnghtawt lekmat hte Awng/Sum laika lawm wa ra ai
  6. Kaga jawng kaw na htawt wa ai jawngma yawng hpe tsang shang sanpoi (Placement Test) hkap san nna shi dep mai ai tsang kaw hkap la ga ai.
  7. Jawng mying hkap la ai ten jawngma dingsa/nnan yawng hpe a akyang lailen, nanghpam malu masha lam ni hpe atsawm sha san jep ai lam nga ga ai
  8. Passport photo 2 lawm wa ra ai
  9. Jawngma kanu kawa/ kam mai ai up hkang ai wa langai ngai lawm nang ra ai

Jawng Shabrai (Admission Fees)

  1. KG kaw nna Tsang IV- 1,300,000 kyats
  2. Tsang V kaw nna Tsang X – 1,400,000 kyats
  3. Tsang 11 & 12 (GED hte HSK ) – 1,540,000 kyats

Matsing:- School Uniform, Texbook hte laning mi na jawng manu yawng lawm sai. Matut nna jawng kaw kahpu kanau majing jawngma masum hteng lung ai rai yang, jawngma marai langai mi na shata shabrai (Tuition fee) hpe 100% shayawm ya ai lam nga ai. Jawngma dingsa ni matu chyawm gaw school uniform hpe nkam la shi yang nla na ahkang nga ai.

Shinggan na jawngma ni hte seng ai lam (About Non Campus Students)

  1. Jawng kaw na masat da ai jawng lung ten (Jahpawt hkying 6:30 – 12:45 ) du hkra jawng kaw nga ra ai
  2. Masat da ai jawng bu hpun palawng (School Uniform) hpe hkrak tup bu hpun ra ai
  3. Jawng Laika ni hpe jawng kaw tawn da ai lam n galaw lu ai hte tinang hte seng ai laika buk ni hpe tinang hte rau galoi mung atsawm sha hkang zing ra ai
  4. Jawng lung nga ai ten sara/num ni a ahkaw ahkang nlu ai sha shinggan de majoi pru hkawm ai lam n galaw lu ai
  5. Jawngma kanu kawa ni mung jawnglung nga ai ten jawng de seng ang ai jawng up ni kaw na ahkaw ahkang nlu ai majoi nmai sa jahkrum ai
  6. Jawng kata woi galaw ai jawng a shamu shamawt lamang ni yawng hta sharawng awng ai hte shang lawm hkan sa ra ai

Jawngwang kata nga jawngma ni hte seng ai lam (About Campus Students)

  1. Makam masham, amyu ru sai n ginhka ai hpaji chye mayu jawngma yawng hpe hkap la ga ai
  2. Sumtsan na jawngma ni hpe ningshawn shaw nna hkap la ga ai
  3. Jawngwang kata nga na jawngma ni gaw tinang a hpun nba, lang rung lang rai yawng hpe jinghkum lang hkrat wa ra ai
  4. Sasana Jawng re majaw chyum laika, mahkawn buk ni mung lawm hkrat wa ra ai
  5. Madum sumhpa sharin la mayu ai ni guiter, violin, keyboard ni mai lawm hkrat wa ai
  6. Ginsup lang rung lang rai ni mung tinang sharawng awng ai ni hpe mai lawm hkrat wa ai
  7. Seng ang ai sara/num ni kaw na ahkaw ahkang nlu ai campus shinggan de pru hkawm, wam hkawm ai lam nmai galaw ai
  8. Jawngma nga ginra hta jahkrat da ai tara ni yawng hpe hkan sa shatup ra ai
  9. Shatsam wa ai jawng bungli, lamang shagu hta kabu sharawng awng ai hte hkan nang hkan sa ra ai
  10. Kalang bang da sai jawng shabrai hpe kaga hpa na majaw mung bai shabai ya ai lam n galaw ga ai

Jawngma Nga Ginra Shabrai (Boarding Fees)

  1. Tsang IV kaw nna Tsang 11&12 (GED, HSK) – 2,150,000 kyats (laning mi na manu re).
  2. Shata mi n-gu bye kru

Laika Hti Dum hte seng ai lam (About Library)

Jawng langai mi ngang kang, hkum tsup wa lu na matu gaw library gaw grai nan nnga nmai ahkyak ai hku nna masat ai hte SAMS kaw mung library hpe hpaw da lu ga ai. Library Staff hpe aten hpring shatsam nna library kata ra ai lam ni, laika gawn hkang ai lam ni hpe atsawm sha woi galaw lu ga ai. Jawngma shagu gaw library hour hpe time table kaw nan bang nna nsa nmai hku woi galaw da ga ai

Library hpaw ai a yaw shada lam

  1. Jawngma shagu gaw library kaw laika hti ai akyang rawng wa lu na matu
  2. Hpaji gaw library kaw mung nga ai ngu hpe chye w alu na matu
  3. Dakkasu hpaji hpungjat sa wa ai shaloi grau nna library mahkrum madup ni hpe chye wa lu na matu
  4. Laika ka ai sara/num ni hpe grau nna hkau chyap wa lu na matu
  5. Laika hti nna tang madun ai lai ladat ni hpe sharin hka ja wa lu na matu
  6. Tinang jawng gawk kaw sharin da sai lesson ni hpe grau nna tang du ai hku bai sawk hkrawk hka ja chye wa lu na matu
  7. Reading Power grau na shatsaw la lu na matu
  8. Kaga machye machyang ni law law hpe sawk hka ja wa lu na matu